Meeqqat tamarmik inissaqartinneqarput: Ataatsimoorluta Aalasa aqqutigalugu meeqqanut tamanut inissaqartitsisumik, meeqqallu tamarmik kikkuugaluarpata, suiaassuseq, inuiaassuseq, oqaatsit piginnaasallu apeqqutaatinnagit tikilluaqqusaasutut misigititsisumik toqqissisimanartumik timersornermi ataatsimoorfiit pilersinniarpagut.
Ataatsimoorluta Aalasa tassaavoq Timersoqatigiit Kattuffiata aamma UNICEF Kalaallit Nunaanni suleqatigiiffigisaat. Suliniut Naalagaaffit Peqatigiit Meeqqat Pillugit isumaqatigiissusiaannik tunngaveqarpoq. Paarisa, Qeqqata Kommunia, Kalaallit Nunaanni naalagaaffiup innuttaasut peqqissusaannik misissuisiqarfia (Center for Folkesundhed i Grønland (CFG)), Kalaallit Nunaanni Politiit, KNI aamma NordeaFonden suliniummut suleqataapput naliitsut, tunniussaqartut aammalu suliniummut tapersersuisut.
Meeqqat tamarmik inuunerissaarnissaminnut pisinnaatitaaffeqarput: Toqqissisimasumik, nuannaarnertalimmik peqqinnartumillu attaveqarluarlunilu inuuneqarnissaminnut pisinnaatitaaffeqarput, kinaassusertik aallaavigalugu akuerineqarlutillu ataqqineqarlutik.
Meeqqat toqqissisimanartumik isumaqarluartumillu timersoqatigiiffimmi peqateqarluartinnerisigut kinguaariit tulliit, tassa meeqqagut, inuunerissaarnissaannut pitsaanerpaamik periarfissaqartissavagut.
Kajumissutsiminnik ikiuussinnaasut tamarmik pisariaqartippagut: Nunatsinni peqatigiiffiit timersoqatigiiffiillu timersoqatigiillutik peqatigiilluarnissaannut sakkussaqartissavagut, meeqqat pisinnaatitaaffiinik aallaaveqartumik piorsarneqartussamik, nutaaliaasumillu meeqqanut isiginnittaasilimmik. Kajumissutsiminnik suliaqartut pikkorissassavagut meeqqanut timersoqatigiiffiit peqqinnartumik toqqissisimanartumik peqataatitsisumillu ingerlanneqarnissaannut aqqutissiuussisunik.
