Ataatsimoorluta Aalasa

Kajumissutsinnik suleqataarusuppunga

Afspil video

Kajumissutsimik suliaqartut klubbimi toqqammaviupput

Illu toqqaveqartariaqarpoq ilaa? Taamatut isigivakka. Klubbi toqqaveqartinnani napasinnaanngilaq. Tassa kajumissutsiminnik suliallit taamatut pingaaruteqartigisoraakka.
Ivaana Holm
Nunani allanut unammisartoq

Kikkulluunniit atorfissaqartinneqarput

Nunatsinni timersoqatigiiffiinni kajumissutsiminnik suliaqartut pingaarutilimmik sunniuteqarsinnaapput. Sungiusaasuuguit, aqutsisuuguit aningaaserisuullutilluunniit – imaluunniit meeqqat sungiusariartortikkukkit, unammisaqattaarnerit aaqqissuukkukkit, kaagilioruit imaluunniit sungiusarnermi atortussanik piareersaaqataaguit. Kikkulluunniit atorfissaqartinneqarput.

Ikiuutaagama eqqissineq nukissaqarnerulernerlu misigisarpakka
Samuel
Kajumissutsiminik suliaqartoq

Samuel Reimer, najukkamini Taekwondortartut klubianni, ernermi sungiusartarfiani, kajumissutsiminik suliaqartartoq oqaluttuarpoq. Samuel taamaalilluni nunami timersoqatigiiffinni kajumissutsiminik suleqataasuuvoq pinngitsoorneqarsinnaanngitsoq.

Meeqqat kikkulluunniit tikilluaqqusaajuaannarput, innarluuteqarunik, pikkorippallaanngikkunik pikkorikkunilluunniit.
Pavia Tobiassen
Sungiusaasoq

Pavia Tobiassen, meeqqanut inuusuttunullu najukkamini timersoqatigiiffimmi kajumissutsiminik sungiusaasut ilagaat annertuumik allanngueqataasoq. Taamaalilluni ataatsimoorfik toqqissisimanartoq peqataatitsisorlu, meeqqanut tamanut tikilluaqqusaasusut akuerineqartutullu misigititsisoq pilersitseqataaffigaa.

Apeqqutissatit akissutissarsikkit

Timersoqatigiiffimmi kajumissutsitut suliaqartutut suut suliassaasinnaappa?

Timersoqatigiiffinni klubbinilu suliassarpassuit suliarineqarniassammata kajumissutsiminnik suliallit pisariaqartinneqarput. Peqatigiiffiit soorunami sunigusaasunik, sungiusaasut ikiorrtaannik, aningaaserisunik siulersuisunillu pisariqartitsispput. Aammali timersornermi atortussanik piareersaasinnaasut, kaagiliorsinnaasut, angallassisinnaasut, timersuutinik errorsisinnaasut, unammisaqattaarnernik pilersaarusiorsinnaasut, juullerpalaartitsisinnaasut pisunilu allani kajumissutsiminnik suliaqartartut pisariaqarput. Kikkulluunniit atorfissaqartippagut.

Kajumissutsinnik suliaqartutut suut piginnaanerissavigit?

Kikkulluunniit tunniussassaqarput – piginnaasatit apeqqutaanngillat. Sungiusaasut, aningaaserisut, siulersuisuni ilaasortat – kajumissutsiminnillu suliallit timersornermi atortussanik piareersitsisinnaasut, kaagiliorsinnaasut, angallassisinnaasut, timersuutinik errorsisinnaasut, unammisaqattaarnernik pilersaarusiorsinnaasut, juullerpalaartitsisinnaasut pisunilu allani suliaqarsinnaasut pisariaqartinneqarput.

Meeqqat tarmik tikilluaqqusaasutut misigitinniarlugit qanoq toqqissisimasumik timersornermi ataatsimoorfik pilersitseqataaffigisinnaaviuk?

Uani qanoq ilillutik toqqissisimanartumik timersornermi ataatsimoorfimmik, meeqqanut tikilluaqqusaasutit misigititsisumik pilersitseqataasinnaanerlutit paasisaqarnerusinnaavutit.

Qanoq kajumissutimik suliaqartunngorsinnaavit?

Najukkanni timersoqatigiiffik saaffigisinnaavat kajumissutsimik suliaqartunngorusullutit suliassallu suut suliarisinnaanerlugit oqaluttuullugit.

Malugiuk timersoqatigiiffiik klubbillu kajumissutsiminnik suliaqartunut suliaqarnermi meeqqanik attaveqartartussanut meeqqanik innarliisimannginnermut uppernarsaatinik aallertussaammata. Tamanna inatsisitigut piumasaqaataavoq meeqqat inini kikkut tamarmik iserfigisinnaasaanni, soorlu atuarfinni timersoriarfigisartakkaniluunniit, kinguaassiutitigut innarlerneqarnissamut illersorniarlugit.

Nammineerlutit meeqqanik innarliisimannginnermut uppernarsaammik aallersinnaanngilatit. Timersoqatigiiffik politiinut meeqqanik innarliisimannginnermut uppernarsaammik aallersinnaanissaannut akuersissaatit. Meeqqanik innarliisimannginnermut uppernarsaammik peqatigiiffiup aallersinnaanissaanik akuersinngikkuit timersoqatigiiffimmi meeqqanik orninneqartartumi suliaqarsinnaassanngilatit.

Uani paasisaqarnerugit: https://gif.gl/da/foreningsguiden/foreningsledelse/boerneattester/