Meeqqat timersornermi toqqissisimasussaapput. Uagut inersimasuusugut akisussaaffigaarput timersoqatigiiffinni meeqqat sinaakkutaat toqqissisimanartuullutillu meeqqat illersornissaat. Taamaammat inatsisigut piumasaqaataavoq timersoqatigiiffiit kajumissutsiminnik sulisunut meeqqanut attuumassuteqartut meeqqanut pinerlussimannginnermik uppernarsaataannik noqqaasassasut. Uani pinerlussimannginnermut uppernarsaatit pillugit paasisaqarnerusinnaavutit – takullugulu qanoq ilillutit pinerlussimannginnermut uppernarsaammik piniassanerlutit.
Meeqqanut pinerlussimannginnermut uppernarsaat meeqqat kikkulluunniit iserfigisinnaasaanniittunut, soorlu timersoqatigiiffinni, kinguaassiutitigut atornerlunneqarnissamut illersuutissatut suliaavoq.
Kalaallit Nunaanni Danmarkimiluunniit meeqqat 18-t inorlugit ukiullit atornerlussimallugit pineqaatissinneqarsimagaanni pinerlussimasutit uppernarsaammi allaqqassaaq. Kinguaassiutitigut innarliisimasutut pineqaatissiissutit ukiut 20-t allaqqasarput, annertuumilli innarliisimagaanni ukiut 80-t allaqqasarluni.
Kajumissutsimik sulisut namminneerlutik pinerlussimannginnermut uppernarsaammik noqqaasinnaanngillat. Kajumissutsimilli suliniartoq sulisitsisussaminut timersoqatigiiffimmulluunniit akuersissaaq politiinut uppernarsaammik noqqaasinnaasut. Kajumissutsiminik sulisoq akuersinngippat timersoqatigiiffimmi meeqqanik attuumassuteqartunik suliaqaqqusaanngilaq. Filmimi uani qanoq ilillusi meeqqanut pinerlussimannginnermut uppernarsaammik noqqaasinnaanerlusi isiginnaarsiuk – uanilu ataani ilitsersuummi:
Ilitsersuut uani downloaderlugulu anillatsissinnaavat.
Meeqqanik pinerlussimannginnermut uppernarsaatit pillugit uani paasisaqarnerugit
