Timersoqatigiiffinnut pikkorissaanermut ilitsersuisussarsiorpugut

Suliniummi Ataatsimoorluta Aalasa’mi meeqqat inuusuttullu amerlanerit timersornerup silarsuaaniilernissaat taavalu ataatsimoorfinni toqqissisimanartumik peqataatitsisumillu nuannersumik misigisaqartarnissaat sulissutigaarput.

Taamaattoqassappallu timersornermi inersimasunik toqqissisimatitsisunik meeqqat naapitsisinnaasariaqarput.

Pikkorissaanermut ilitsersuisunik ujaarlerpugut sungiusaasunik kajumissutsiminnillu suliaqarusuttunik ilinniartitsisinnaasunik, meeqqat pisinnaatitaaffiinik timersorlunilu aallutaqartoqalernissaanut kajumilersitsisinnaasunik, Timersoqatigiit Kattuffiata meeqqanut timersornermullu isiginnittaasianut atassusiisinnaasumik.

Qinnuteqarnissamut killissarititaq:
Ingerlaavartumik

Sumiiffia:
Nuna tamakkerlugu

Attaveqarfissaq:
Kista Hammeken Lennert

Oqarasuaat:
34 81 55
Mail: kista@gif.gl

Timersoqatigiit Kattuffiat, UNICEF, Paarisa aammalu nunatsinni Innuttaasut peqqissusianik ilisimatusarfik peqatigiillutik suliniut ineriartortitaraat, Ataatsimoorluta Aalasa, timersoqatigiiffiit pitsanngorsaaffigineqarnissaannut, toqqissisimanartumik peqataatitsisunillu timersoqatigiiffiunissaannut aqqutissiueqataasussaapput.

Assersuutigalugu nunatsinni sungiusaasut kajumissutsiminnillu suliaqartartut tamarmik ulluni marlunni meeqqat pisinnaatitaaffii aammalu peqataatitsisumik kajuminnartumillu timersoqatigiittoqartarnissaa anguniarlugu suleqatigiissitsinernut marlunnut peqataaqqusillutik neqerooruteqartussaapput.

Tassunga tunngatillugu pikkorissaanermut ilitsersuisunik ujartuivugut, sunngiusaasut kajumissutsiminnillu ikiortaasartut suleqatigiisinneqarnissaannut ingerlatsisartussanik.

Ataatsimoorluta Aalasa sukumiinerusumik paasisaqarfigiuk nittartakkatsinni

Ilitsersuisuuneq

Pikkorissaanermut ilitsersuisutut suliniummik suliaqartut kommunimilu attaveqaataasoq qanimut suleqatigalugit piareersaanissat, ingerlatsinissat aammalu suleqatigiissitaliat illoqarfinni aalajangersimasuni ingerlanneqartussat suliarisartussaavatit.

Sungiusaasut, kajumissutsiminnillu ikiuuttartunut nikisitsinissamut sunniuteqarsinnaalluarputit, taamaasillutillu timersoqatigiiffiit naleqartitaasa pitsanngorsaaffigineqarnissaannut - meeqqanut inuusuttunullu pingaaruteqaqisumik.

Pikkorissarneqassaatit, suleqatigiissitallu ingerlannissaannut malitassatut ilitsersuummik atortussannillu tunineqarumaarputit. Taakkununnga ilanngullugit qarasaasiakkut suleqatigiisitsinissamut webinareqarnissamullu neqerooruteqarusuppugut, taakkununngalu peqataasinnaaguit iluassaqaaq.

PISSARSIARISSAVATIT

  • Allanngueqataanissamut immikkorluinnaq periarfissinneqassaatit nunalu tamakkerlugu timersortartunik suleqateqarnissamut periarfissinneqassallutit.
  • Nunatsinni meeqqat timersortarnerisa sunniuteqarfiginissaannut ineriartortitseqataaffiginissaannullu periarfissaqassaatit, taamaasilluni meeqqat amerlanerit timersornerup ajunngitsortaanik misigisaqarnissaannut periarfississinnaassallugit.
  • Suleqatigiinnut pikkorissunut, misilittagaqarluartunut minnerunngitsumillu ilitsersuisunik pimoorussilluinnartunik – Timersoqatigiit Kattuffianni, UNICEF’imi aammalu Paarisami qanimut suleqateqarnissannut periarfissinneqassaatit.
  • Suliniummi pissanganarluinnartumi inuttullu ineriartornartumi piorsaaqataanissannut periarfissinneqassaatit taamaasillutillu meeqqat pisinnaatitaaffiisa timersoqatigiiffiillu akornganni attaveqaateqartitsilernissannut periarfissaqarluassallutit.

PIUMASAQAATIT

Paasissutissiillaqqissuuvutit nalinginnaasumik, oqaatsitigut allakkatigullu, aallartisaallaqqissuuvutit ataqatigiisillaqqissuullutit paasissutissiillaqqissuullutillu.

Sungiusaasut kajumissutsiminnillu ikiuuttunik suleqateqarusuttuuvutit,

Attaveqateqalersitsillaqqissuuvutit inuuvutillu sungiusaasut kajumissutsiminnillu ikiuuttut tarrarsorfigisinnaasaat.
Misiginneqatigiillaqqissuuvutit, ataqqinnittuullutit peqataatitsisartuuvutillu qiimasoq nukissaqarluartorlu.
Timersornermik soqutiginnittuuvutit peqatigiiffilerinermillu ilisimasaqarlutit.

Nammineersinnaasuseqarputit, aaqqissuussaasumik anguniagaqartumillu suliassannik suliaqartarlutit inunnillu assigiinngitsunik suleqateqallaqqissuullutit.

Kalaallisut qallunaatullu oqalussinnaallutillu allassinnaavutit.

Suliassaq

Suliniummut Ataatsimoorluta Aalasa’mut tunngatillugu freelanceritut ingerlatissallugu una piukkunnartuuvoq.

Ataavartumik ilitsersuisussanik piareersaateqartassaatit aallartinnissamullu isumaqatigiissutit immikkut ittumik isumaqatigiissutigineqartassapput suliaqartitsinerit, ilinniartitsinerit, pilersaarusiornerillu ilanngullugit.

Suliassat ingerlatassanut tulluarsarneqartartussaassapput taavalu unnukkut sapaatillu akunnerata naanerani pisarnissaat naatsorsuutigineqarsinnaassalluni. Angalasarsinnaavutit kommuninniiginnarnissalli anguniartarumaarparput.

Imatut qinnuteqassaatit

Ilitsersuisutut atorfik qinnuteqaatigiuk, naatsumik imminut ilisaritillutit soorlu qinnuteqarnerlutit nassuiaatigiutigalugu. CV-it ilanngukkiuk peqatigiiffeqarnikkut paasissutissiisartutullu misilittakkavit allattorneqarnissaat pinerullugit. Qinnuteqaat allakkatigut pissaaq ugguunalu nassiunneqassalluni LINK

Akissarsiat atugassarititaasullu

Ilitsersuisutut suleqatigiissitalianik ingerlatsisarnissatit piareersarnitillu akissarsissutigisassavatit. Najugaqarfissat angalanernullu tunngatillugu aningaasartuutinnut tunngagaangata akilertassavagut. Isumaqatigiissuteqareernerup kingorna ulloq ataaseq ilitsersuunneqarumaarputit.

Akissarsiat atorfininnermilu ajunngitsorsiassat isumaqatigiissutaasut malillugit inissinneqarumaarput, ilitsersuisutut freelanceritut akissarsiassannik isumaqatigiissuteqarfigineqarumaarputit.

Apeqqutissaqarpit?

Ilitsersuisutut atorfimmut apeqqutissaqaruit ataani atsiorsimasunut attaveqarnissannut tikilluaqqusaavutit:

Kista Hammeken Lennert
Suliniummut atorfeqarfitaq
Kista@gif.gl
+299 34 81 55

Bjørn Søvsø Jensen
Suliniummut aqutsisoq
Bjoern@gif.gl
+299 34 81 60