Meeqqat tamarmik ataatsimoorfinni naleqarput toqqissisimanartumullu peqqinnartumullu sunngiffeqarnissaminnik pisinnaatitaaffeqarlutik. Taakkuupput GIF-ip meeqqanik isiginnittariaasiani qulequtaasoq. Meeqqanik isiginnittariaaseq taassaavoq qanoq ililluta meeqqat isiginerigut – taamaammallu meeqqanik oqaloqateqartarnitsinni, iliuuseqarnitsinni peqatiginnittarnitsinnilu tunngaviusoq. GIF-ip meeqqanik isiginnittariaasia uani paasisaqarfiginerujuk.
Toqqissisimanartumik pilersitsiniarluni meeqqallu innarlerneqannginnissaat anguniarlugu peqatigiiffiit ilitsersuisui, sungiusaasui kajumissutsiminnillu sulisui meeqqanut suli 18-iliineqanngitsunut attaveqartartui meeqqanik pinerliisimannginnermut uppernarsaatissaannik aallertassapput. Qanoq ilillusi meeqqanik pinerliisimannginnermut uppernarsaat pissarsiarisinnaanerlugu uani takusinnaavat.
Meeqqat timersornermi ataatsimoorfissinnut peqataarusullutik siullerpaamik takkunnerat pingaaruteqarpoq - tassanimi meeqqap takkuteqqikkusunneranut aalajangiisuusinnaavoq. Siunnersuutit pitsaasut uani takukkit.
Timersoqatigiiffimmi timersornermi ataatsimoorneq meerarpassuarnut pingaarnerpaat ilagaat. Sungiusaasut allallu kajumissutsiminnik suliallit ataatsimoornermut holditullu ataqatigiinnermut pingaaruteqarluartuusinnaapput. Uani ataatsimoorfiup nukittunerulernissaanut siunnersuutit tallimaasut nassaarisinnaavatit.
