Meeqqanut tulluuttumik peqatigiiffinngoritsi - peqatigiiffissinnilu onlinekkut workshopperlusi

Onlinekkut “Workshop in a Box” ingerlassiuk allagartartaarlusilu meeqqanut tulluuttumik peqatigiiffinngorlusi, Timersoqatigiiffiup Kattuffiata ataani.

Qularnaarusuppisiuk peqatigiiffissi meeqqamut inuusuttumullu toqqissisimanartuunissaa? 

Onlinekkut “Workshop in a Box” ingerlassiuk allagartartaarlusilu meeqqanut tulluuttumik peqatigiiffinngorlusi, Timersoqatigiiffiup Kattuffiata ataani.Workshop-ip misilittakkassi katersornissaanut ikiussavaasi, aammalu naleqartitasi isumaqatigiissutit sinaakkuteqarluartut ersarissitissallugit. Tassuunakkut peqatigiiffiit tamarmik - meeqqat, sungiusaasut, angajoqqaat aammalu kajumissutsimik suliaqartut – pingaartitasi nalussanngilaat qanorlu immissinnut paarissanersusi.
Aallaqqaataaniit aallartinnermik isumaqanngilaq, kisiannili peqatigiiffissinni pioreersut nukittorsaqqinneranik isumaqarluni.

Workshoppi sunik imaqarpa

“Workshop in a Box” onlinekkut ingerlasuuvoq, allornermiit allornermut suliaqarnermi aqqutissiuissalluni:

  • Meeqqanut politikki - ataatsimoorussamik pingaartitat aammalu meeqqanut inuusuttunullu sinaakkutit ersarissumik qanoq pilersinnerisi. Oqaloqatigiinnikkut isummersornikkullu ineriartortitsineq, ilissi meeqqanut politikkissinni.
  • Upalungaarsimanermut pilersaarut - qanoq iliussavisi arlaatigut ajortoqaraluarpat, immissinnut meerartassinnut kajumissutsimillu suliallit paarissagussigit. Peqatigiiffissinni suliaqaritsi imaluunniit nutarsaagitsi ersarissumik pilersaarusiorlusi.
  • Meeqqanut pinerliisimannginnermik uppernarsaat - qanoq paasissutissat eqqortut pisinnaavisigit, inatsisit maleruaqqusat atussagussigit tamanullu toqqissisimanartumik pilersitsissagussi.

Tamassuma saniatigut angajoqqaanut videoliamik peqarpoq qanoq isillutik angajoqqaat peqatigiiffimmut nuannersumik tapersiisinnaanerannik imalimmik.

Sungiusaasumut video “Sungiusarneq toqqissisimanartoq” qanoq toqqissisimanermik pilersitsisinnaaneq meeqqanut inersimasunullu.

Atortussanik sakkussanillu pingaarutilinnik imaqarput, ilitsersuutinik assersuutinillu. Suna tamarmi onlinekkut ingerlassaaq, atorneqarnissaminullu piareersimavoq.

Kina workshoppersinnaava?

Workshoppi timersoqatigiit kattuffiinut, peqatigiiffinnut ataatsimullu kajumissutsimik suliaqartunit peqataaffigineqarsinnaavoq, meeqqanut inuusuttunullu sullissisunut.

Siulersuisoqatigiittut tamassi sungiusaasullu tamaasa imaluunniit peqatigiiffik tamarmi worksoppeqatigisinnaavasi.

Imatut aallartigitsi

  1. Peqatigiiffissinni katerissaasi
  2. Linki tooriarlugu atuisutut ataatsimik pilersitsissaasi.
  3. Modulit malissavasi oqaloqatigiinnermilu kortit suliassallu atussavasi.
  4. Meeqqanut politikkimi upalungaarsimanermullu pilersaarummi aalajangiussasi katersorsigit allattorlugillu.
  5. Immersukkasi gif@gif.gl -imut nassiussigit - taamaasillusi meeqqanut tulluartumik peqatigiiffittut allagartamik tigusaqassaasi.

Suna tamaat ataatsikkut ingerlattariaqanngilarsi - workshoppi ilissi nammineq ingerlakkusunneratut ingerlassinnaavarsi, ataatsimeeqattaarnerni aamma.
Pingaaruteqarnerpaaq tassaavoq oqaloqatigiissutigisassat oqaloqatigiissutigilluarnissai, peqatigiiffissinnullu tulluuttumik isumaqatigiissusiornissarsi.

Workshoppimut ugguuna iserit

Paasissutissanik annertunerusunik paasisaqarusukkuit attavigisinnaavatsigut uunga allallutit: kista@gif.gl

Ataatsimoornermi ineriartorneq

Meeqqanut tulluuttumik peqatigiiffiit inerisarneqarput suliniummi Ataatsimoorluta Aalasami, UNICEF, Paarisa, GIF Kalaallit Nunaanni peqqissusermik Ilisimatusarfiullu suleqatigiinnerisigut.